ભરશે ડગલું એક સામે `મા’ ની, ડગલાં બે સામે એ આવશે
હટશે ડગલું જો તું પાછું, મેળાપ તારો તો સદા ઠેલાશે
કરશે તૈયારી સાચી મેળાપની, મેળાપ તો થઈ જાશે
રાખીશ મનડાંને જો ફરતું, મેળાપ `મા’ નો તો નવ થાશે
મોકા ગુમાવ્યા અનેક, મોકા વધુ હવે ના ગુમાવતો
ભરશે જો ડગલાં તું પાછા, મેળાપ `મા’ નો તો નવ થાશે
સદા એ તો તૈયાર છે મળવા, તૈયારી કાચી તારી ન રાખતો
હટશે જો તું ડગલું પાછું, મેળાપ `મા’ નો તો નવ થાશે
સદા નજર તુજ પર એ રાખે, નજર એનાથી નવ બચાશે
હટશે જો તું ડગલું પાછું, મેળાપ `મા’ નો તો નવ થાશે
ઝંખના હશે મેળાપની સાચી, ઝંખના પૂરી એ તો થાશે
હટશે જો તું ડગલું પાછું, મેળાપ `મા’ નો તો નવ થાશે
ઝંખજે હૈયે દયા એની, અહં હૈયે પૂરો કાઢી નાખજે
હટશે જો તું ડગલું પાછું, મેળાપ `મા’ નો તો નવ થાશે
કરતો રહેજે કર્મો તારા, `મા’ પર હૈયે ભરોસો સદા રાખજે
હટશે જો તું ડગલું પાછું, મેળાપ `મા’ નો તો નવ થાશે
સદ્દગુરુ શ્રી દેવેન્દ્ર ઘીયા (કાકા)