રાત ને દિન, સુખદુઃખ, તડકો-છાયો, છે જોડિયા સાથીદારો
રહે ના બંને એક સાથે, કરો કોશિશ, ભલે આખો જન્મારો
અમાસ ને પૂનમ, ભરતી ને ઓટ, છે એ તો જોડિના સાથીદારો
સત્ય-અસત્ય, સાચું ને ખોટું, છે એ તો જોડિના સાથીદારો
વેર ને પ્રેમ, શિક્ષા ને ક્ષમા, છે એ તો જોડિના સાથીદારો
ક્રોધ ને કરુણા, લોભ ને ત્યાગ, છે એ તો જોડિના સાથીદારો
શૂરવીરતા ને કાયરતા, મજા અને વૈરાગ્ય, છે એ તો જોડિના સાથીદારો
ઝેર ને અમૃત, જ્ઞાન ને અજ્ઞાન, છે એ તો જોડિના સાથીદારો
નફો ને તોટો, તેજ ને અંધકાર, છે એ તો જોડિના સાથીદારો
સ્થિર ને અસ્થિર, સવાર ને સાંજ, છે એ તો જોડિના સાથીદારો
સદ્દગુરુ દેવેન્દ્ર ઘીયા (કાકા)