રે માડી, તું તો એક અને અનોખી છે, રે તું તો એક અને અનોખી છે
શોધતાં મળશે ના, તારા જેવું બીજું રે માડી, તું તો એક અને અનોખી છે
સદા રીતો તારી તો, ન્યારી ને ન્યારી છે રે માડી, તું તો એક અને અનોખી છે
તું તો સદા શક્તિશાળી ને શક્તિશાળી છે રે માડી, તું તો એક અને અનોખી છે
ના થાક કદી તને લાગ્યો કે લાગે છે રે માડી, તું તો એક અને અનોખી છે
ખોટું ના કરતી, ના ચલાવતી, જગને ચલાવતી રહી છે રે માડી, તું તો એક અને અનોખી છે
બાળતણા હૈયાને તુ ઝંખતી, ઝંખે બાળુડાં તને રે માડી, તું તો એક અને અનોખી છે
ખાલી ના રાખ્યું તારા વિના રે કાંઈ, તોય ના દેખાતી રે, રે માડી, તું તો એક અને અનોખી છે
મૂંઝવી-મૂંઝવી થકવે અમને, તોય ગળે અમને લગાવે રે, રે માડી, તું તો એક અને અનોખી છે
સદ્દગુરુ દેવેન્દ્ર ઘીયા (કાકા)