રે ભાઈ, આ તો કમાલ થઈ ગઈ, રે ભાઈ, આ તો કમાલ થઈ ગઈ
આકાશે અધ્ધર રહી દીવડો જલતો જાય, કિરણો એનાં અટકે ના જરાય - રે...
અગણિત જીવો આવ્યા ધરતી પર, પીધું પાણી, પાણી તોય ખૂટે ના જરાય - રે...
અગણિત જીવોએ લીધા ધરતી પર શ્વાસ, વાયુ ના ખૂટ્યો તોય જરાય - રે...
નાનાં-નાનાં વડ બીજમાંથી વૃક્ષો તો સર્જાય, બીજ ના એમાં ક્યાંય દેખાય - રે...
મન-બુદ્ધિ દ્વારા માનવી કરે કાર્યો, મન-બુદ્ધિ તો ક્યાંય ના દેખાય - રે...
જન્મો બદલાયા, બદલાયાં સગાં ને વહાલાં, માને તોય એને પોતાના સદાય - રે...
અગણિત તારા ઘૂમી રહ્યા આકાશે, આધાર એનો ક્યાંય ના દેખાય - રે...
જડ જેવું લાગતું આ તન, ધીરે-ધીરે નાનામાંથી મોટું થાતું જાય - રે...
સદ્દગુરુ દેવેન્દ્ર ઘીયા (કાકા)