એ તો જાગી જાશે, એ તો જાગી જાશે
હૈયામાં સૂતેલા એ ભાવો તારા, મળતા પ્રતિસાદ જીવનમાં
જાશે વટાવી જ્યાં એ સંયમની સીમા, અનુકૂળ વાયરાનો સ્પર્શ થાશે
જોશે ના સમય કે સ્થળ એ તો, બધી સરહદો પાર એ તો કરી જાશે
હૈયામાં રહી રહી ગયો એ મૂંઝાઈ, બધા અવરોધોને તો અવગણી
ભાવે ભાવો રમશે રાસ અનોખા, નવા તાલ એમાં મંડાઈ જાશે
રોક્યા ના એ તો રોકાશે, આવશે એ લેશે લપેટી, ધાર્યું એનું થાશે
નવખંડ ધરતીના એના એ પટમાં, એ ભાવોમાં તો એ તાજા થાશે
સજ સે એના એ તો સાજ, ના કમી કાંઈ એમાં એ તો રાખશે
જાગી જ્યાં જાગૃતિ ભાવોની તો હૈયામાં, હૈયું ઉલ્લાસિત એમાં થાશે
એ વાયરા હૈયાને વીંટાયેલા રહેશે, એ ભાવો જાગતા ને જાગતા રહેશે
સદ્દગુરુ દેવેન્દ્ર ઘીયા (કાકા)