આવી આવીને તમે ચાલ્યા ના જાઓ, આવ્યા છો જ્યાં થોડા રોકાઈ જાઓ
ભૂલી જાઓ બીજાં કામ તત્કાળ તમે, આવી અમારી આંખોમાં તમે વસી જાઓ
જાશું ભૂલી દુઃખો, જાશું ભૂલી વાતો બધી, સમય સાથે આવી ના બંધાઓ
લઈ આવ્યા છો દિલ સાથે તમારું, અમારું દિલ લેતા જાઓ, તમારું અમને દેતા જાઓ
વાતો કર્યાં વિના મૂંગા બેસવું હોય તમારે, મંજૂર છે અમને, નજર અમારાથી ના છુપાવી
પ્રેમ નથી કાંઈ ફુરસદની ગલી, તમે તમારું દિલ હવે પ્રેમમાં તો લગાડતા જાઓ
ફરિયાદના સૂરો કરો બંધ હવે તમે, એકતાના સૂરો હવે તમે તો કાઢતા જાઓ
હશે થઈ મુલાકાત આપણી ઘણી, તમે આ મુલાકાતને યાદગાર બનાવતા જાઓ
કિસ્મતને મંજૂર હતું યા ના હતું, આવ્યા છો જ્યારે તમે, મંજૂરી એની સમજતા જાઓ
હૈયાની ધડકન વિશ્વાસે ઝીલી, હવે વિશ્વાસને હૈયાની ધડકન તમે બનાવતા જાઓ
સદ્દગુરુ દેવેન્દ્ર ઘીયા (કાકા)