ધરતી ખાડા-ટેકરાથી છે ભરપૂર
ચાલવામાં તકેદારી રાખજો
જીવન સુખદુઃખનો છે સમૂહ
ધીરજની મૂડી સાથે રાખજો
જીવનમાં અનુકૂળતા, પ્રતિકૂળતાના પ્રવાહ વહે છે જરૂર
તરવામાં હોશિયારી રાખજો
ક્રોધ-મોહના સંજોગ જીવનમાં જાગશે જરૂર
ત્યારે સંયમ કેળવી રાખજો
જગમાં સદા કોઈના પાસા સીધા પડશે નહીં
આ વાત હૈયે ધરી રાખજો
રાજવીનાં રાજ પણ ચિરકાળ ટક્યાં નથી
આ વાત લક્ષ્યમાં રાખજો
જન્મ્યો તેનો નાશ છે જરૂર
આ હકીકત સમજી રાખજો
માયામાં ચિત્ત દોડશે જરૂર
પ્રભુચિંતનમાં એને જોડી રાખજો
સદ્દગુરુ દેવેન્દ્ર ઘીયા (કાકા)