Hymn No. 522 | Date: 13-Sep-1986
|
|
|
Text Size |
 |
 |
સુખિયા આવે, દુઃખિયા આવે, દોડી દોડી આવે `મા' ને દ્વાર
પ્રેમથી સૌને હૈયે ચાંપે માડી, સુણીને સહુની પુકાર
રોગિયા આવે ભોગિયા આવે, આવે સહુ `મા' ની પાસ
પ્રેમથી સહુની આશ પૂરતી માડી, કરતી ના નિરાશ
લૂલા આવે, મૂંગા આવે, આવે સહુ `મા' ને દ્વાર
પ્રેમથી સહુને સહાય કરતી માડી, દેર કરતી ના લગાર
ગરીબ આવે તવંગર આવે, ફેલાવે ઝોળી `મા' ની પાસ
પ્રેમથી સહુની ઝોળી ભરતી, ભરતી એ તો સદાય
કામી આવે, લોભી આવે, આવે સહુ તો `મા' ની પાસ
પ્રેમથી સહુને માફ કરતી માડી હૈયે જાગે જ્યાં પશ્ચાતાપ
સંસારથી દાઝેલા આવે, ડૂબેલા આવે, આવે સહુ `મા' ની પાસ
પ્રેમથી સહુને હૈયે ચાંપે માડી, મૂકીને હૂંફાળો હાથ
પાપી આવે પુણ્યશાળી આવે, કહે સહુ `મા' ને વાત
પ્રેમથી એ તો સહુને સાંભળે માડી, સાંભળે સહુની વાત
યોગીઓ આવે, ભક્તો આવે, આવે જ્યારે `મા' ને દ્વાર
પ્રેમથી એ તો એમને આવકારે, ખોલીને હૈયાના દ્વાર
સદ્દગુરુ દેવેન્દ્ર ઘીયા (કાકા)
|
|