Hymn No. 577 | Date: 18-Oct-1986
|
|
|
Text Size |
 |
 |
નથી જાતાં એક સરખા દિન જગમાં કંગાળ કે વળી ભૂપતિના
હસી લે હસી લે, તું માનવ જરા મનમાં, પડશે રડવું ક્યારે આ જગમાં
ગણજે તું તારા દિન, વિતાવીશ આ જગમાં તું આનંદમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
સંયોગ રહે છે, આ જગમાં, સદા સહુના તો પલટાતા
હસી લે હસી લે, તું માનવ જરા મનમાં, પડશે રડવું ક્યારે આ જગમાં
હસતા ખીલતાં ફૂલને પણ, વિદાય દેશે તું સ્મશાનમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
હસતા ચાલતાં કંઈક માનવને, સૂવું પડે છે સદા પથારીમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
સાથ દેતો આવ્યો કંઈકને તું, છોડી આગળ જશે એ અધવચ્ચમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
જતન કરી સાંચવી હશે લક્ષ્મી જગમાં, જશે ખાલી હાથેથી આ જગમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
ના કરતો અભિમાન, લક્ષ્મી, જ્ઞાન કે શક્તિનું તું જરા મનમાં
હસી લે હસી લે, તું માનવ જરા મનમાં, પડશે રડવું ક્યારે આ જગમાં
ધાર્યા નથી થયા કામ જગમાં, ભૂપતિ કે વળી લક્ષ્મીપતિના
હસી લે હસી લે, તું માનવ જરા મનમાં પડશે રડવું ક્યારે આ જગમાં
અંધારે ઘેરાયેલા આકાશમાં, પણ પથરાશે કિરણ પ્રકાશના
હસી લે હસી લે, તું માનવ જરા મનમાં, પડશે રડવું ક્યારે આ જગમાં
સદ્દગુરુ દેવેન્દ્ર ઘીયા (કાકા)
|
|