Hymn No. 595 | Date: 31-Oct-1986
|
|
|
Text Size |
 |
 |
આવે દુઃખ જીવનમાં, આનંદથી સદા સહેતો રહેજે
નામ `મા' નું, સદા પ્રેમથી તું લેતો રહેજે
થાયે અપમાન તારા, સદા તું તે ભૂલતો રહેજે
નામ `મા' નું, સદા તું પ્રેમથી લેતો રહેજે
જાગે જો હૈયામાં વૈર, સદા એને તું સમાવી દેજે
નામ `મા' નું તું, સદા પ્રેમથી લેતો રહેજે
લઈ સહાય સદા `મા' ની સંસાર તું તરતો રહેજે
નામ `મા' નું તું, સદા પ્રેમથી લેતો રહેજે
ઝીલી સંસાર તાપ, છાંયડો અન્યને તું દેતો રહેજે
નામ `મા' નું તું, સદા પ્રેમથી લેતો રહેજે
હટાવી ધિક્કાર હૈયેથી, પ્રેમ સદા તું ભરતો રહેજે
નામ `મા' નું તું, સદા પ્રેમથી લેતો રહેજે
કાઢી દંભ જીવનમાં, સત્યની રાહે ચાલતો રહેજે
નામ `મા' નું તું, સદા પ્રેમથી લેતો રહેજે
કરશે માયા અસ્થિર તને, `મા' માં મનને સ્થિર કરતો રહેજે
નામ `મા' નું તું, સદા પ્રેમથી લેતો રહેજે
આવે નાના મોટા દ્વારે તારા, માન સરખું દેતો રહેજે
નામ `મા' નું તું, સદા પ્રેમથી લેતો રહેજે
કાઢી અસંતોષ હૈયેથી, સદા સંતોષ ભરતો રહેજે
નામ `મા' નું તું, સદા પ્રેમથી લેતો રહેજે
કરી હૈયાને વિશાળ, કિરણ `મા' ના સદા ઝીલતો રહેજે
નામ `મા' નું તું, સદા પ્રેમથી લેતો રહેજે
સદ્દગુરુ દેવેન્દ્ર ઘીયા (કાકા)
|
|