Hymn No. 663 | Date: 28-Dec-1986
|
|
|
Text Size |
 |
 |
જગ સારાના કર્મોને માડી, એના ત્રાજવે તોલશે,
રજમાત્રની ભૂલ નવ થાયે, બરોબર એ તો જોખશે
લાખ છુપાવશો એને, તોયે એના ત્રાજવે એ જોખશે
રજમાત્રની ભૂલ નવ થાયે, બરોબર એ તો જોખશે
જાણેઅજાણ્યે કર્મો થાયે, એ પણ એ તો તોલશે
રજમાત્રની ભૂલ નવ થાયે, બરોબર એ તો જોખશે
પાપ પુણ્યનો હિસાબ તારો, બરોબર એ તો જોખશે
રજમાત્રની ભૂલ નવ થાયે, બરોબર એ તો જોખશે
શ્વાસે શ્વાસના તોલ પણ તારા, એના ત્રાજવે તોલશે
રજમાત્રની ભૂલ નવ થાયે, બરોબર એ તો જોખશે
તુજથી છુપાયેલી કામનાઓનો તોલ એ તો તોલશે
રજમાત્રની ભૂલ નવ થાયે, બરોબર એ તો જોખશે
અગણિત જીવોના તોલ થાયે, ફરક એમાં તો નવ પડશે
રજમાત્રની ભૂલ નવ થાયે, બરોબર એ તો જોખશે
પળેપળનો હિસાબ તારો, સદા એ તો જોખશે
રજમાત્રની ભૂલ નવ થાયે, બરોબર એ તો જોખશે
કર્મોની ઝંઝટ સર્વે છોડી, તોલ તો એને સોંપજે
રજમાત્રની ભૂલ નવ થાયે, બરોબર એ તો જોખશે
અંતરની પ્રાર્થના સાચી તારી, હાથ એના તો રોકશે
રજમાત્રની ભૂલ નવ થાયે, બરોબર એ તો જોખશે
સદ્દગુરુ દેવેન્દ્ર ઘીયા (કાકા)
|
|