Hymn No. 803 | Date: 18-May-1987
|
|
|
Text Size |
 |
 |
કાર્યો જ્યારે ખોટા કરશે તું, આંખ લાલ `મા' ની જોશે તું,
અજ્ઞાની બની નાદાની ના કરજે તું,
હર સમયે, હર કાર્યમાં, બાળ કાજે `મા' ના હૈયે પ્રેમ ભર્યો છે
સૂતા, ઊઠતા સંભાળ રાખે, માંદે સાજે દરકાર કરે,
પડતા આખડતા તો સદા બચાવે
હર સમયે, હર કાર્યમાં, બાળ કાજે `મા' ના હૈયે પ્રેમ ભર્યો છે
ઉન્નતિએ રાજી થાતી, અવગતિએ એ આંસુ સારે
સુખી દેખી હરખાઈ જાતી
હર સમયે, હર કાર્યમાં, બાળકાજે, `મા' ના હૈયે પ્રેમભર્યો છે
ભય સામે ચેતવી દેતી, રાહ જીવનની સુઝાડી દેતી
જરૂરિયાતે તો રક્ષણ કરતી
હર સમયે, હરપળે હર કાર્યમાં બાળ કાજે, `મા' ના હૈયે પ્રેમ ભર્યો છે
ખોટી જીદે, નરમ ન થાતી, બાળનું સુખ હૈયે ધરતી,
ખોટામાં તો એ અટકી જાતી
હર સમયે, હર કાર્યમાં, બાળ કાજે, `મા' ના હૈયે પ્રેમ ભર્યો છે
નિરાશ થાતાં હિંમત ભરતી, કાર્યોમાં તો સમજ દેતી,
રાહ બતાવી, રાહ એ તો જોતી
હર સમયે, હર કાર્યમાં, બાળ કાજે, `મા' ના હૈયે પ્રેમ ભર્યો છે
સદ્દગુરુ દેવેન્દ્ર ઘીયા (કાકા)
|
|