Hymn No. 917 | Date: 24-Jul-1987
|
|
|
Text Size |
 |
 |
સવારને સાંજમાં પલટાતી દીઠી, સાંજને રાતમાં બદલાતી દીઠી
ફૂટતા પ્રભાતના કુમળા કિરણો, રાતને તો ત્યાં ભાગતી દીઠી
ચક્રની આ ધારા ચાલતી દીઠી, કદી એ બદલાતી ના દીઠી
ભરતીને ઓટમાં પલટાતી દીઠી, ઓટને ભરતીમાં બદલાતી દીઠી
પૂનમને અમાસમાં પલટાતી દીઠી, અમાસને પૂનમમાં બદલાતી દીઠી
ચક્રની આ ધારા ચાલતી દીઠી, કદી એ બદલાતી ના દીઠી
વિચારોની કડીને તૂટતી દીઠી, તૂટતી કડી સંધાતી દીઠી
કંઈક કળીઓ મૂરઝાતી દીઠી, મૂરઝાતી કળીને ખીલતી દીઠી
ચક્રની આ ધારા ચાલતી દીઠી, કદી એ બદલાતી ના દીઠી
ધારાને ઉપર તો ચડતી દીઠી, ચડતી ધારાને તો પડતી દીઠી
ગતિ સદા આ ચાલતી દીઠી, ગતિ આ બદલાતી ના દીઠી
ચક્રની આ ધારા ચાલતી દીઠી, કદી એ બદલાતી ના દીઠી
પાપીને પુણ્યશાળી બનતા દીઠા, પુણ્યશાળીને પાપ કરતા દીઠા
ધર્મીને ક્રૂર તો બનતા દીઠા, ક્રૂરને તો ધર્મી બનતા દીઠા
ચક્રની આ ધારા ચાલતી દીઠી, કદી એ બદલાતી ના દીઠી
વ્હેણને તો નીચે વહેતાં દીઠા, કંઈકને એમાં તણાતા દીઠા
સ્થિર તો કોઈ વિરલા દીઠાં, બની અડગ ઊભા રહેતા દીઠા
ચક્રની આ ધારા ચાલતી દીઠી, કદી એ બદલાતી ના દીઠી
સદ્દગુરુ દેવેન્દ્ર ઘીયા (કાકા)
|
|