Hymn No. 959 | Date: 27-Aug-1987
|
|
|
Text Size |
 |
 |
મૌન ધરી કાં બેઠી માડી, મૌન ધરી કાં બેઠી
ઉપદેશી, ઉપદેશી જગને, વાચા શું આજે ખૂટી - મૌન...
સરજી સૃષ્ટિ તારી, ચાલ એની શું આજે ઊંધી દીઠી - મૌન...
વિના અચકાયે, માનવ, માનવને રહ્યો છે રહેંસી - મૌન...
ત્યજી નિર્દોષતા નયનોમાં, વિકારોની સૃષ્ટિ દીઠી - મૌન...
ડગલે, પગલે, માનવમાં સંયમની દોરી આજે તૂટી - મૌન...
પગલે પગલે, માનવ હૈયું, દંભે રહ્યું છે રાચી - મૌન...
કરી કર્મો ખોટા, માનવ રહ્યો છે આજે ખુદને બાંધી - મૌન...
પવિત્ર સબંધોને પણ, માનવ રહ્યો છે અભડાવી - મૌન...
તૃષ્ણાથી પીડાઈ, માનવ તૃષ્ણામાં રહ્યો છે રાચી - મૌન...
સ્વાર્થ ભરી હૈયે, માનવ સ્વાર્થમાં રહ્યો છે ડૂબી - મૌન...
લાચાર બન્યો છે માનવ તારો, આદતો ના છોડી - મૌન...
તુજને ભૂલી તારો માનવ, રહ્યો માયા પાછળ દોડી - મૌન...
સૃષ્ટિની અવદશા દેખી, અંતરમાં ગઈ છે શું ઉતરી - મૌન...
સદ્દગુરુ દેવેન્દ્ર ઘીયા (કાકા)
|
|