Hymn No. 4625 | Date: 08-Apr-1993

કોમળતા જે હૈયાંને કોમળ ના બનાવી શકે, એ હૈયાંની કઠોરતા તો કેવી હશે

 

જ્ઞાન, સત્ય, આભાર (Knowledge, Truth, Thanks)

1993-04-08 1993-04-08 1993-04-08 https://www.kakabhajans.org/bhajan/default.aspx?id=125 કોમળતા જે હૈયાંને કોમળ ના બનાવી શકે, એ હૈયાંની કઠોરતા તો કેવી હશે કોમળતા જે હૈયાંને કોમળ ના બનાવી શકે, એ હૈયાંની કઠોરતા તો કેવી હશે

ગંગા પણ જે હૈયાંને પવિત્ર ના કરી શકે, એ હૈયું પાપથી ભરેલું તો કેવું હશે

હિમાલયની શીતળતા, જે હૈયાંને શીતળ ના કરી શકે, એ હૈયાંમાં દાહક્તા કેટલી હશે

ધરતીનું હૈયું જેના કાજે ના ઊછળી શકે, એ હૈયાંમાં ભાર તો કેવાં ભર્યાં હશે

જે હૈયાંની પ્રેમની ભરતી, સમુદ્રની ભરતીને ઝાંખી પાડે, એ હૈયાંમાં પ્રેમ તો કેવો હશે

સહનશીલતામાં પણ સુગંધ જેની વહેતી રહે, એ હૈયાંની સહનશીલતા તો કેવી હશે

જે હૈયાંના ઊંડાણના તળિયાં ના જડે, એ હૈયાંના ઊંડાણ તો જીવનમાં કેવાં હશે

જે નજરના બાણો હૈયાંને તો વીંધી શકે, એ નજરની વેધકના તો કેવી હશે

જે પ્રેમના પુષ્પોની સુગંધ તો મહેકી ઊઠે, એ હૈયાંનો પ્રેમ તો કેવો હશે

દુઃખ દર્દને જે એક ઝટકે તો કાપી શકે, જીવનમાં તો એ ઘા તો કેવા હશે

જે અજવાળાની પાસે અંધકાર તો પ્રવેશી ના શકે, એ અજવાળું તો કેવું હશે

ભાન ભૂલીને તો જીવનમાં જે ભાન જાગે, એ ભાન તો જીવનમાં કેવા હશે

સહજપણામાં ધ્યાનની સરિતા જેની વહે, એ ધ્યાનની તો ધારા તો કેવી હશે

જોઈ પ્રભુ તારી વિવિધ ધારા તો જીવનમાં, એ ધારા વહાવનાર પ્રભુ તો કેવાં હશે Satguru Shri Devendra Ghia (Kaka)