Hymn No. 1125 | Date: 08-Jan-1988
|
|
|
Text Size |
 |
 |
મનમાં ન આવે ચિત્તમાં ન આવે, બનતાં એવું કંઈક દેખાય
તારી શક્તિનો રે માડી, ત્યારે તો ખ્યાલ આવી જાય
નાનકડાં બીજમાંથી, વિશાળ વૃક્ષ તો જ્યાં સરજાય - તારી...
નાના એવા બીજમાંથી, સુંદર માનવ તો જ્યાં સરજાય - તારી ...
વિશાળ તારા, આધાર વિના આકાશે તો જ્યાં ફરતા દેખાય - તારી ...
સમસ્ત ધરતી, સૂર્ય પ્રકાશે તો પ્રકાશ પામતી જાય - તારી ...
અખૂટ સાગરમાં, અદ્રશ્ય હાથે, ભરતી ઓટ કરતી જાય - તારી ...
શક્તિશાળી માંધાતાઓના હાથ તો હેઠા પડતા દેખાય - તારી ...
મારણ ને વળી એના તારણ, જગમાં તો મળી જાય - તારી ...
ખારા પાટમાં પણ, મીઠાં વીરડા પણ મળી જાય - તારી ...
યોગ્યતા વિનાના પાત્રમાં, યોગ્યતા આવતી દેખાય - તારી ...
મૂંગાઓ કંઈકને તો માડી, બોલતા કરતી દેખાય - તારી ...
આંધળાઓને પણ માડી, તારી કૃપા દેખતા કરતી જાય - તારી ...
પાંગળાઓને પણ જ્યાં તું, ડુંગરા ચડાવતી જાય - તારી ...
સદ્દગુરુ દેવેન્દ્ર ઘીયા (કાકા)
|
|