Hymn No. 1408 | Date: 01-Aug-1988
|
|
Text Size |
 |
 |
પરદેશ ગયેંલ બાળને, જ્યાં યાદ `મા' ની આવી જાય, ત્યાં તો આંખેથી આંસુડાં હાલ્યા જાય શીતળ વાતા વાયુમાં, હેતભર્યો હાથ, જ્યાં `મા' નો વરતાય, ત્યાં તો આંખેથી આંસુડાં હાલ્યા જાય સ્થિર જળમાં તો જ્યાં, `મા' નું હેતભર્યું મુખડું તો દેખાય, ત્યાં તો આંખેથી આંસુડાં હાલ્યા જાય કરતા ભોજન તો, હેતભરી `મા' ની આંખડી જ્યાં દેખાય, ત્યાં તો આંખેથી આંસુડાં હાલ્યા જાય વ્હાલભરી વાતમાં, `મા' નો પ્રેમભર્યો સ્પર્શ જ્યાં મળી જાય, ત્યાં તો આંખેથી આંસુડાં હાલ્યા જાય અજાણ્યા હૈયામાંથી, `મા' ની હેતભરી હૂંફ જ્યાં મળી જાય, ત્યાં તો આંખેથી આંસુડાં હાલ્યા જાય નજર ફરતા, નજર કરતા, યાદ `મા' ની તો જ્યાં આવી જાય, ત્યાં તો આંખેથી આંસુડાં હાલ્યા જાય સંભળાતા કોઈ શબ્દમાં, જ્યાં `મા' ના શબ્દનો સૂર સંભળાય, ત્યાં તો આંખેથી આંસુડાં હાલ્યા જાય જગજનની માતની પણ હૈયે જ્યાં યાદ આવી જાય, ત્યાં તો આંખેથી આંસુડાં હાલ્યા જાય
સદ્દગુરુ દેવેન્દ્ર ઘીયા (કાકા)
|
|