Hymn No. 2772 | Date: 20-Sep-1990
|
|
|
Text Size |
 |
 |
અહં મારું હૈયાનું મિટાવી દો, અભિમાન હૈયાનું તો હટાવી દો
હટે ના વિશ્વાસ તો તારામાં, પ્રભુજી રે વ્હાલા, એવો વિશ્વાસ ટકાવી દો
તૂટું ના જીવનમાં, કોઈ શક્તિઓમાં, શક્તિ એવી તો ભરી દો - હટે...
હારું ના હિંમત, કરતા સામનો જીવનમાં, હિંમત એવી તો ભરી દો - હટે...
છોડું ના તારી સાધના, સિદ્ધિ મેળવ્યા વિના, ધીરજ એવી તો ભરી દો - હટે...
સહુને ગણુ સુખદુઃખ જીવનમાં સરખું રે, સમતા એવી તો ભરી દો - હટે...
દઉં જીવનમાં સાથ સદા તો સત્યને રે, સમજણ એવી તો ભરી દો - હટે...
થાઊં ના વિચલિત, ડૂબું ના નિરાશામાં, કૃપા તમારી એવી કરી દો - હટે...
યાચું ના દયા, જીવનમાં તો અન્યની, દયામય, દયા એવી તો કરી દો - હટે...
જોઉં તને અન્યમાં ને મુજમાં, કૃપાળુ રે પ્રભુ, દૃષ્ટિ એવી તો દઈ દો - હટે...
સદ્દગુરુ દેવેન્દ્ર ઘીયા (કાકા)
|
|