Hymn No. 2787 | Date: 23-Sep-1990

જ્યાં ખુદને ખુદ તો સમજી શક્તું નથી, ત્યાં જગમાં કોઈ કોઈને સમજી શકતું નથી

 

જ્ઞાન, સત્ય, આભાર (Knowledge, Truth, Thanks)

1990-09-23 1990-09-23 1990-09-23 https://www.kakabhajans.org/bhajan/default.aspx?id=13776 જ્યાં ખુદને ખુદ તો સમજી શક્તું નથી, ત્યાં જગમાં કોઈ કોઈને સમજી શકતું નથી જ્યાં ખુદને ખુદ તો સમજી શક્તું નથી, ત્યાં જગમાં કોઈ કોઈને સમજી શકતું નથી

કરે સહુ સમજવાના તો ખૂબ દાવા, વખત આવે, દાવા તો ટકતા નથી

એકસરખા સંજોગમાં, રહે વર્તન તો જુદા-જુદા, કરી શકાય એમાં ક્યાંથી દાવા - ત્યાં...

મન તો છે જુદા, વિચારો જુદા, ભાવ છે જુદા, જ્યાં એક એ થઈ શક્તાં નથી - ત્યાં...

લાગે સમજી શક્યા જેને, લાગે ત્યાં પૂરાં, એને તો સમજી શક્યાં નથી - ત્યાં...

એકતામાં તો મળે રે શાંતિ, મન ને હૈયા ભી તો એક થઈ શક્તાં નથી - ત્યાં...

એક સાથે રહેતા, એક ભાણે ખાતાં, પણ એક એ રહી શક્યાં નથી - ત્યાં...

પ્રભુને સમજતાં વીત્યા જન્મારા, પ્રભુને તોય હજી સમજી શક્યાં નથી - ત્યાં...

કર સમજવા શરૂઆત તું તો તને, જગ સમજાયા વિના રહેવાનું નથી - ત્યાં...

પ્રભુ ભી વસ્યો છે તો તુજમાં, એ ભી સમજાયા વિના રહેવાનો નથી - ત્યાં... Satguru Shri Devendra Ghia (Kaka)