Hymn No. 2911 | Date: 03-Dec-1990

તેજ તારા જીરવાતા નથી રે માડી, તેજ તારા જીરવાતા નથી

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1990-12-03 1990-12-03 1990-12-03 https://www.kakabhajans.org/bhajan/default.aspx?id=13899 તેજ તારા જીરવાતા નથી રે માડી, તેજ તારા જીરવાતા નથી તેજ તારા જીરવાતા નથી રે માડી, તેજ તારા જીરવાતા નથી

નજર તારી સામે માંડી છે માડી, માંડી મંડાતી નથી - તેજ...

ઉપકાર તારા જીવનમાં, ગણ્યા તો ગણાતા નથી - તેજ...

અમૂલ્ય તારી કૃપાના મૂલ્ય, જીવનમાં તો કરાતાં નથી - તેજ...

ઊંડાણ હૈયાના તો તારા, માપ્યા એ મપાતા નથી - તેજ...

ફેડવા ઉપકાર કેમ કરીને તારા, એ તો સમજાતું નથી - તેજ...

જગ જ્ઞાનમાં તો ગોથાં ખાધાં, જ્ઞાન તારા તો પચતા નથી - તેજ...

તારી માયાના પડળ, આંખ પરથી અમારા તો ઊતરતા નથી - તેજ...

ગુણલા ગાતા તારા રે માડી, ગાતા તો કદી ખૂટતા નથી - તેજ...

વીત્યો સમય તારી યાદોમાં, કેમ વીત્યો એ તો વરતાતો નથી - તેજ...

સમજ્યા વિના સમજ્યા, શું સમજ્યા એ તો સમજાતું નથી - તેજ... Satguru Shri Devendra Ghia (Kaka)