Hymn No. 3284 | Date: 17-Jul-1991
|
|
|
Text Size |
 |
 |
તારી શક્તિના ભંડાર, તારા પ્રેમના ભંડાર, પ્રભુ સહુના કાજે ખુલ્લા છે
પમાય એ તો પામે, લેવાય એ તે લે, બાકી ખાલી રહેતા આવ્યા છે
ના રાખ્યા ભેદ તેં તો, ખેદ એ તો પામે, જે લેવાનું તો ચૂક્યા છે
નિત્ય નિરંતર વ્હેતા રાખ્યા, કદી ના અટકાવ્યા ભક્તો એ તો પામ્યા છે
રહ્યા એ તો વ્હેતા ને વ્હેતા કદી ના એ ખૂટયા, સદા એ તો ભરપૂર છે
તારી મસ્તીમાં મસ્ત રહ્યા, મસ્ત જીવન જીવ્યા, એ તો જગજાહેર છે
રહ્યા તારી સાથ, આવ્યા ભંડાર એને હાથ, ખાલી ના એ તો રહ્યા છે
છે તું તો જગની માત, કરે ભક્ત સાથે વાત, ઇતિહાસે આ લખાયેલ છે
દયાધરમની વાત ગાજે જગમાં તો માત, રહ્યા માનવ તોયે દયાહીન છે
મચાવે માનવ બૂમરાણ, છો તમે ગુણોની ખાણ, ના જલદી એ તો સમજાય છે
સદ્દગુરુ દેવેન્દ્ર ઘીયા (કાકા)
|
|