Hymn No. 3288 | Date: 18-Jul-1991

લઈ શકું ઘડી બે ઘડી નામ તારું રે પ્રભુ, ફુરસદ જીવનમાં એટલી તો આપજે

 

પ્રાર્થના, ધ્યાન, અરજી, વિનંતી (Prayer, Meditation, Request)

1991-07-18 1991-07-18 1991-07-18 https://www.kakabhajans.org/bhajan/default.aspx?id=14277 લઈ શકું ઘડી બે ઘડી નામ તારું રે પ્રભુ, ફુરસદ જીવનમાં એટલી તો આપજે લઈ શકું ઘડી બે ઘડી નામ તારું રે પ્રભુ, ફુરસદ જીવનમાં એટલી તો આપજે

કરી શકું દિલથી સેવા જગમાં અન્યની રે પ્રભુ, શક્તિ જીવનમાં એટલી તો આપજે

કરી શકું વિચાર સાચા તો જીવનમાં રે પ્રભુ, શુદ્ધ બુદ્ધિ જીવનમાં એટલી તો આપજે

પથ્થર દિલ ના બનું, જોઈ અન્યનાં દુઃખ રે પ્રભુ, દયા દિલમાં જીવનમાં એટલી તો આપજે

દિલના ભાવો દિલથી તો ઝીલી શકું રે પ્રભુ, સંવેદનશીલ જીવનમાં એટલું તો આપજે

સહારા વિના કાર્ય તો કરી શકું રે પ્રભુ, તંદુરસ્તી જીવનમાં એટલી તો આપજે

વ્યવહાર કાજે જીવનમાં હાથ ના ફેલાવવો પડે રે પ્રભુ, લક્ષ્મી જીવનમાં એટલી તો આપજે

ધરી શકું ધ્યાન તારું જીવનમાં રે પ્રભુ, ધ્યાનમાં એકાગ્રતા એટલી તો આપજે

સમજી શકું તને ને અન્યને જીવનમાં રે પ્રભુ, સમજશક્તિ જીવનમાં એટલી તો આપજે

રહી શકું ને ટકી શકું તારા વિશ્વાસે રે પ્રભુ, શ્રદ્ધા જીવનમાં એટલી તો આપજે Satguru Shri Devendra Ghia (Kaka)