Hymn No. 5957 | Date: 19-Sep-1986

માગું માગું તારી પાસે રે પ્રભુ, જીવનમાં હું તો એટલું

 

પ્રાર્થના, ધ્યાન, અરજી, વિનંતી (Prayer, Meditation, Request)

1986-09-19 1986-09-19 1986-09-19 https://www.kakabhajans.org/bhajan/default.aspx?id=1444 માગું માગું તારી પાસે રે પ્રભુ, જીવનમાં હું તો એટલું માગું માગું તારી પાસે રે પ્રભુ, જીવનમાં હું તો એટલું

વિશુદ્વતાની સાક્ષી પૂરી શકે જેમાં હૈયું મારું, કર્મો જીવનમાં એવા કરું

અટકે ના ધારા પ્રેમની હૈયાંમાંથી મારા, સહુને પ્રેમના તાંતણે હું બાંધુ

હટી જાય મોહમાયાના પડળો નજરમાંથી મારા, જગમાં નિત્ય તને નિહાળું

સત્યને સમજીને રે જીવનમાં, જીવનમાં સત્યની રાહે ને રાહે ચાલતો રહું

મન થકી કે તન થકી કરું ના હિંસા હું અન્યની, અહિંસા જીવનમાં એવી હું ઉતારું

મન રહે નચાવતું જગમાં, મનની સ્થિરતા રહે તારા ચરણમાં એવું હું માગું

ચડે ના મન અને હૈયાં પર મેલ કદી, નિર્મળતા જીવનમાં એવી હું તો માગું

કૂડકપટને કાવાદાવાથી દૂર રહું, જીવનમાં જીવનની સરળતા એવી હું તો માગું

દેવી હોય તો દેજે ધનની દરિદ્રતા ભલે, પણ ભાવોની ધનદોલત હું તો માગું

જાગે ના અસંતોષ કદી હૈયાંમાં મારા, જીવનમાં સંતોષ એવો હું તો માગું Satguru Shri Devendra Ghia (Kaka)