Hymn No. 3465 | Date: 21-Oct-1991
|
|
|
Text Size |
 |
 |
કુદરતના હાથ છે તો કેવા, મારે લપડાક ના દેખાય, છે એ તો એવા
વરસાવે વરસાદ કૃપાના તો કેવા, ના જીવનમાં દેખાય, છે એ તો એવા
નજરમાં રાખે સહુને તો એવા, નજર તો ના દેખાય, છે એ તો એવા
છે કુદરતના પગ કેવા, પ્હોંચે બધે તોયે ના દેખાય, છે એ તો એવા
કુદરતનાં હૈયાં તો છે એવાં, અનુકંપા જગાવે ક્યારે ના સમાય, છે એ તો એવા
કુદરતમાં છે વિચારો એવાં, રહે ફરતા ના એ દેખાય, છે એ તો એવા
ભાગ્યના હાથ છે એવાં, લે વળાંક ક્યારે કેવા ના સમજાય, છે એ તો એવા
સુખદુઃખના પરપોટા છે એવા, ક્યારે જાગે ના સમજાય, છે એ તો એવા
કાંપતા હાથ છે એવા, ઝડપે ક્યારે ના એ સમજાય, છે એ તો એવા
શબ્દનાં બાણ તો છે એવા, અજાણતા કાળજું વીંધી જાય, ના સમજાય, છે એ તો એવા
સદ્દગુરુ દેવેન્દ્ર ઘીયા (કાકા)
|
|