Hymn No. 2212 | Date: 07-Jan-1990

યમ તો ખેંચે રે જ્યાં દોરી, સહુ ત્યાં તો ખેંચાઈ જાય છે

 

સમય, પશ્ચાતાપ, શંકા (Time, Regret, Doubt)

1990-01-07 1990-01-07 1990-01-07 https://www.kakabhajans.org/bhajan/default.aspx?id=14701 યમ તો ખેંચે રે જ્યાં દોરી, સહુ ત્યાં તો ખેંચાઈ જાય છે યમ તો ખેંચે રે જ્યાં દોરી, સહુ ત્યાં તો ખેંચાઈ જાય છે

પાશ છે એના એવા રે મજબૂત, એમાંથી ના કોઈ બચી જાય છે

છે એ સમયનો તો સાચો, સમયનો એ તો પહેરેદાર છે

છે આંખ બંધ તો એની, છે કર્તવ્યની પાસે દોરી, કર્તવ્ય બજાવે જાય છે

કરશે ના એ જીભાજોડી, કર્તવ્ય તો પૂર્ણ બજાવનાર છે

પીગળશે ના પ્રેમથી, ભીંજાશે ના ભાવથી, અલિપ્ત તો રહેનાર છે

છે એક દિશા એની, કર્તવ્ય પાલનની, ના બીજું કાંઈ એ જોનાર છે

ના રોકશે પ્રકાશ એને, રોકશે ના અંધકાર એને, સમયે એ પહોંચનાર છે

નથી થાક્યો એ તો, છે હજી એવો ને એવો, ના એ બદલનાર છે

નથી માગી મુક્તિ એણે, કર્તવ્યનો સાચો એ બજાવનાર છે Satguru Shri Devendra Ghia (Kaka)