Hymn No. 2342 | Date: 13-Mar-1990

હૈયું ખુશી-ખુશીમાં છલકાઈ જાશે, હૈયાના તાર પ્રભુ સાથે જ્યાં જોડાઈ જાશે

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1990-03-13 1990-03-13 1990-03-13 https://www.kakabhajans.org/bhajan/default.aspx?id=14831 હૈયું ખુશી-ખુશીમાં છલકાઈ જાશે, હૈયાના તાર પ્રભુ સાથે જ્યાં જોડાઈ જાશે હૈયું ખુશી-ખુશીમાં છલકાઈ જાશે, હૈયાના તાર પ્રભુ સાથે જ્યાં જોડાઈ જાશે

છે પ્રભુ તો આપણા, છીએ આપણે તો પ્રભુના, વિશ્વાસ જ્યાં આવી રે જાશે

છે એ તો કર્તા, જગનિયંતા, જ્યાં સાચું આ તો સમજાઈ જાશે

છે એ તો હિતકર્તા, નથી કોઈ વેરી, વિશ્વાસ હૈયે જ્યાં આ જાગી જાશે

છે એ તો પાસે ને પાસે, ને આપણામાં, અનુભૂતિ એની જ્યાં થઈ જાશે

છે એ તો શક્તિશાળી, નથી કાંઈ અજાણ્યા, હૈયે ભાવ જ્યાં આ કોરાઈ જાશે

છે એ કર્મોના ભોક્તા, કર્મો સમર્પિત તો જ્યાં એને રે થઈ જાશે

છે નિરાકાર, સાકાર બની વ્યાપ્યા છે, હૈયે જ્યાં આ ઘૂંટાઈ જાશે

છે એ તારા, છે એ સહુના, ભેદભાવ હૈયાના જ્યાં મટી રે જાશે

છે આનંદસાગર એ તો, એક વાર ડૂબકી એમાં તો મારી રે જાશે Satguru Shri Devendra Ghia (Kaka)