Hymn No. 2465 | Date: 26-Apr-1990
|
|
|
Text Size |
 |
 |
ધીરે ધીરે, હો ધીરે ધીરે, ઝેર માયાનું તો ચડતું ગયું - હો
ઘેરાઈ આંખડી એના રે ઘેનમાં, બીજું બધું ભુલાઈ ગયું - હો
દેખાયાં રૂપ તો અનોખાં, મન રૂપમાં એના રે ડૂબી ગયું - હો
જાવું હતું રે ક્યાં, પહોંચી રે ગયો રે ક્યાં, ના એ તો સમજાયું - હો
ખેંચાયો એમાં, તણાયો એમાં, કેમ ને ક્યાં, ના એ સમજાયું - હો
સૂઝે રે રસ્તા, પગ ના મંડાતા, મનના કાબૂ રહ્યા ના હાથમાં - હો
કોણ સાચા ને કોણ ખોટા, ભેદ એના રે ના પરખાયા - હો
રાતદિન સપનાં અનોખાં રચાતાં, તૂટતાં ને નવાં બંધાતાં - હો
બંધન એનાં એવાં રે બંધાયાં, બંધન ભી લાગ્યાં રે પ્યારાં - હો
લીધી રે વાટ મુક્તિની, સપનાં મુક્તિનાં રે વીસરાયાં - હો
સદ્દગુરુ દેવેન્દ્ર ઘીયા (કાકા)
|
|