Hymn No. 3817 | Date: 16-Apr-1992

આવ્યો તું જગમાં, કર્યું તેં શું, કરવું હતું શું, શું રહી ગયું

 

જ્ઞાન, સત્ય, આભાર (Knowledge, Truth, Thanks)

1992-04-16 1992-04-16 1992-04-16 https://www.kakabhajans.org/bhajan/default.aspx?id=15804 આવ્યો તું જગમાં, કર્યું તેં શું, કરવું હતું શું, શું રહી ગયું આવ્યો તું જગમાં, કર્યું તેં શું, કરવું હતું શું, શું રહી ગયું

એક દિવસ વિચાર તો આ, તારા હૈયે તો જાગી જશે

જીવનમાં, માનવ-માનવને મળવા, હૈયું તારું તો મથી રહ્યું

મળવા જીવનમાં પ્રભુને, હૈયું તારું કેમ ઉદાસીન રહ્યું

કીધા યત્નો જીવનમાં તો સાચા-ખોટા, શું મળ્યું ને શું મેળવ્યું

હતું ભર્યું-ભર્યું હૈયે જે તારી પાસે, મેળવવામાં તેં ખોઈ દીધું

પ્રેમ ઝંખતું હૈયું તારું, પ્રેમ મેળવવા જગમાં નિષ્ફળ કેમ ગયું

વેર ને વિકારોની જ્વાળા, હૈયે સળગાવી, જીવન તારું તેં ખાક કર્યું

દોડી-દોડી જીવનમાં માયા પાછળ, હાથમાં તારા શું આવ્યું

ઉપાધિ ને ઉપાધિ મળતી રહી જીવનમાં, જીવન તારું વ્યર્થ ગયું

આમ ને આમ જીવન તારું, જગતમાં જીવન તારું વીતતું ગયું

કરવા જેવું હતું જે જીવનમાં, અધૂરું ને અધૂરું એ તો રહી ગયું Satguru Shri Devendra Ghia (Kaka)