Hymn No. 3963 | Date: 13-Jun-1992

આકાશ પણ વાદળથી તો ઘેરાય છે, માનવ મન પણ, ચિંતાના વાદળથી ઘેરાય છે

 

જ્ઞાન, સત્ય, આભાર (Knowledge, Truth, Thanks)

1992-06-13 1992-06-13 1992-06-13 https://www.kakabhajans.org/bhajan/default.aspx?id=15950 આકાશ પણ વાદળથી તો ઘેરાય છે, માનવ મન પણ, ચિંતાના વાદળથી ઘેરાય છે આકાશ પણ વાદળથી તો ઘેરાય છે, માનવ મન પણ, ચિંતાના વાદળથી ઘેરાય છે

આવે છે સાગરમાં ભરતી-ઓટ તો સદા, માનવ હૈયે, ભાવની ભરતી-ઓટ તો આવે છે

કુદરત તો છે આસપાસ તારી, કુદરતમાં છે તું, કુદરતમાં જે થાય, તારામાં ભી એ થાય છે

દે છે વર્ષા તો ભીંજવી, તાપ શેકે સહુને, ભાગ્ય સહુનું, જીવનમાં આ રંગ દેખાડતું જાય છે

છે આકાશ અલિપ્ત તો વાદળથી, વાદળ તો સદા આકાશમાં આવે ને જાય છે

અનેક તારા ટમટમે તો આકાશમાં, ચંદ્ર-સૂર્ય પણ એમાં ને એમાં પ્રકાશતા જાય છે

નથી દયાજનક તો કોઈ જગમાં, સર્જી પરિસ્થિતિ જીવનમાં, દયાજનક બનતા જાય છે

જગ્યું છે ને રહ્યું છે જીવન તો આકાશમાં, તારી અંદર ને બહાર પણ આકાશ પથરાયું છે

રોકી ના શકે કોઈ તો આકાશને, લીલા તો જીવનની આકાશમાં ને આકાશમાં થાય છે

થાતી રહેશે અસર આકાશની મન પર, સ્થિતિ આકાશની જેમ ને જ્યારે બદલાય છે Satguru Shri Devendra Ghia (Kaka)