Hymn No. 4009 | Date: 04-Jul-1992

તું અત્ર છે, તું તત્ર છે, તું સર્વત્ર છે ક્યાં નથી તું, ના અમે એ તો કહી શકીએ

 

જ્ઞાન, સત્ય, આભાર (Knowledge, Truth, Thanks)

1992-07-04 1992-07-04 1992-07-04 https://www.kakabhajans.org/bhajan/default.aspx?id=15996 તું અત્ર છે, તું તત્ર છે, તું સર્વત્ર છે ક્યાં નથી તું, ના અમે એ તો કહી શકીએ તું અત્ર છે, તું તત્ર છે, તું સર્વત્ર છે ક્યાં નથી તું, ના અમે એ તો કહી શકીએ

જગમાં જોવા તો જે મળે, જાણવા સમજવા મળે, તારી શક્તિ વિના ના એ તો બને

કરી વાસ હૈયે તો સહુના, અણુએ અણુમાં, અનુભવ લેતીને દેતી તો રહે છે

ગુણે ગુણે તું પૂજાતી, ગુણનિધિ તું કહેવાતી, ગુણસાગર તો તું ને તું તો છે

ડૂબ્યા જગમાં અહંમાં તો જે જે, જીવનમાં તારા થાતા અધિકારી એ તો બને છે

ન નારી છે તું, ના નર છે તું, જગકારણે જગમાં, વિભાજિત તું ને તું તો બને છે

ન વાણી તો તારી શક્તિને વર્ણવી શકે, ભલે વાણી પણ તારી શક્તિથી વહે છે

તને ગોતવી ક્યાં, તને ગોતવી કેમ, યુગોથી સહુના હૈયે સવાલ આ રમતો રહ્યો છે

કરે કોઈ કહ્યું તારું કે ના કરે, અવિચલ પ્રેમ તારો તો હૈયેથી વહેતોને વહેતો રહે છે

સમજ્યા જીવનમાં તને તો જે જે, જગમાં જીવન સદા એનું તો ધન્ય બને છે Satguru Shri Devendra Ghia (Kaka)