Hymn No. 4409 | Date: 13-Dec-1992
|
|
|
Text Size |
 |
 |
શરૂઆત તો જ્યાં તારી નબળી છે, પાયો તારો કાચો છે,
ઇમારત કાચી તારી રહેવાની છે
બુદ્ધિ તારી પાસે છે સારી, પડતી નથી જ્યાં સમજ તને,
બેધ્યાનપણાની એ નિશાની છે
સંજોગ જ્યાં તારા સારા છે, સાથ મળતા આવ્યા છે,
તારા ભાગ્યની એ નિશાની છે
દયા ને ક્ષમા હૈયે ભર્યાં છે, ભક્તિ ને ભાવ જાગ્યો છે,
સાચા સુખની એ તો નિશાની છે
નમ્રતાભરી જ્યાં વાણી છે, વિવેકની તો ના કોઈ ખામી છે,
માનવતાની તો એ નિશાની છે
હર વાત જેની ચેતનભરી છે, હૈયે સ્પર્શતી જાય છે,
શક્તિની તો એ નિશાની છે
ઉમંગભર્યું જ્યાં હૈયું છે, નજરમાંથી શાંતિના ઝરણાં વહે છે
નિર્મળતાની એ નિશાની છે
હૈયું જેનું સીધુંસાદું છે, સરળતાભરી જેની વાણી છે,
સંતની તો એ નિશાની છે
ફના થવાની જ્યાં તૈયારી છે, સહનશીલતાની જ્યાં ના ખામી છે,
પ્રેમની તો એ નિશાની છે, પ્રેમ નીતરતી જ્યાં આંખો છે,
જેની નજરમાં આવકારના દર્શન છે,
ભાવની તો એ નિશાની છે
સદ્દગુરુ દેવેન્દ્ર ઘીયા (કાકા)
|
|