Hymn No. 4475 | Date: 08-Jan-1993
|
|
|
Text Size |
 |
 |
દુઃખ દર્દની ધારા, જીવનમાં અનુભવી નથી, જગમાં એવું કોઈ મળવાનું નથી
જગમાં હૈયે ક્યારેય કોઈ માટે પ્રેમ જાગ્યો નથી, જગમાં એવું કોઈ મળવાનું નથી
હૈયાંના ઊંડે ખૂણે કોઈ પ્રત્યે અનુકંપા જાગી નથી, જગમાં એવું કોઈ મળવાનું નથી
અહં અભિમાનના તોફાન હૈયે જીવનમાં જાગ્યા નથી, જગમાં એવું કોઈ મળવાનું નથી
વૃત્તિઓના સપાટા જીવનમાં તો જેણે ખાધા નથી, જગમાં એવું કોઈ મળવાનું નથી
એકવાર પણ હૈયે ક્રોધ જીવનમાં જેને જાગ્યો નથી, જગમાં એવું કોઈ મળવાનું નથી
જીવનમાં ક્યારેય કોઈ પાસે હૈયું જેણે ખાલી કર્યું નથી, જગમાં એવું કોઈ મળવાનું નથી
આવી જગમાં જેણે જીવનમાં કોઈ કર્મ કર્યું નથી, જગમાં એવું કોઈ મળવાનું નથી
જગમાં જીવનમાં ક્યારેય, ભૂલો જેણે કરી નથી, જગમાં એવું કોઈ મળવાનું નથી
જીવનમા કોઈ ઇચ્છા જેને કદી તો જાગી નથી, જગમાં એવું કોઈ મળવાનું નથી
આવા સંજોગો છે જીવનમાં સહુ કોઈના, યત્નોમાં સ્થિરતા જલદી મળવાની નથી
સદ્દગુરુ દેવેન્દ્ર ઘીયા (કાકા)
|
|