Hymn No. 4498 | Date: 15-Jan-1993

એ તો જોવું પડશે રે, એ તો જોવું પડશે (2)

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1993-01-15 1993-01-15 1993-01-15 https://www.kakabhajans.org/bhajan/default.aspx?id=16485 એ તો જોવું પડશે રે, એ તો જોવું પડશે (2) એ તો જોવું પડશે રે, એ તો જોવું પડશે (2)

કોનો જાદુ કોના ઉપર ચાલશે રે જીવનમાં,

    એ તો જોવું પડશે, એ તો જોવું પડશે

તારા નયનોના જાદુ ચાલશે મારા ઉપર,

    કે મારી ભક્તિભાવનો જાદુ તારા ઉપર પ્રભુ - એ...

તારી માયા બાંધશે મને કે મારા,

    ભક્તિભાવ બાંધશે જીવનમાં તને રે પ્રભુ - એ...

ડૂબી જઈશ સંજોગોમાં હું તો જીવનમાં,

    કે ભક્તિ મારી તને એમાં ડુબાડી જાશે રે પ્રભુ - એ...

તારા વિના બીજું મને કોઈ ના ચાલે,

    જીવનમાં દેવું હોય તો તારે એ તો દેવું પડશે રે - એ...

યાદ જીવનમાં રહેશે સતાવતી સદી,

    તારી તો મને, કે મારી તને રે પ્રભુ - એ...

તારા પ્રેમની ધારા ભીંજવી જાશે,

    મને કે મારા પ્રેમની ધારા ભીંજવી જાશે તને રે પ્રભુ - એ...

તારો સંતાન પ્રેમ જીવનમાં જિતી જાશે,

    કે મારો દર્શન પ્રેમ જિતી જાશે રે પ્રભુ - એ...

તારા વિના રહી શકીશ શું હું સુખી,

    કે મારા વિના રહીશ તું સુખી રે પ્રભુ - એ...

છે સત્ય તું તો પ્રભુ, છે સત્ય મારી હસ્તી,

    સત્ય સત્યમાં સમાયા વિના ના રહી શકતો રે પ્રભુ - એ... Satguru Shri Devendra Ghia (Kaka)