Hymn No. 6548 | Date: 09-Jan-1997

દુઃખદર્દને લઈ લઈ, જગમાં જ્યાં ને ત્યાં તું શાને રડે છે

 

જીવન માર્ગ, સમજ (Life Approach, Understanding)

1997-01-09 1997-01-09 1997-01-09 https://www.kakabhajans.org/bhajan/default.aspx?id=16535 દુઃખદર્દને લઈ લઈ, જગમાં જ્યાં ને ત્યાં તું શાને રડે છે દુઃખદર્દને લઈ લઈ, જગમાં જ્યાં ને ત્યાં તું શાને રડે છે

દુઃખદર્દને તમાશા જીવનમાં તું, શાને ને શાને બનાવે છે

રાખ્યો ના ખાલી કોઈ ખૂણો જગમાં તેં તો રડવાને

ખૂણા જીવનમાં હવે તું જગમાં શાને ગોતતો ફરે છે

પી નથી શક્યો જીવનમાં આંસુઓ તો જીવનમાં તો તું તારા

જીવનમાં ફરિયાદ હવે એની, શાને તું કરતોને કરતો ફરે છે

રહેશે જગમાં તો સહુ, જોતાંને જોતાં તો તને

શાને જીવનમાં રે તું, તમાશાને તો પાત્ર બને છે

બે શબ્દો જીવનમાં સાંત્વનાના તો સાંભળવા કાજે

શાને દુઃખદર્દના ઘા તો તારા, સહુની સામે ખુલ્લાં કરે છે

કરી ના શક્યો દૂર જીવનમાં, અંતરનું દુઃખ તો તારું

દિલાસાના બે શબ્દ કાજે, તારી જાતને શાને તું નીચી પાડે છે

પ્રભુ જેવો બેઠો છે, તારા અંતરમાં તો એનો સાક્ષી બનીને

જ્યાં ત્યાં જીવનમાં, જગમાં તું દુઃખે જ્યાં ત્યાં શાને રડે છે Satguru Shri Devendra Ghia (Kaka)