નામરજીથી તો આવ્યા, નામરજીથી જગમાંથી તો જવાના
ના અમારા હાથમાં તો કાંઈ છે, ના અમારા હાથમાં કાંઈ છે
શ્વાસે શ્વાસે તો જીવંત રહ્યા, ના શ્વાસો અમારા હાથમાં છે
રેખા પડી છે ભાગ્યની હાથમાં, ના ભાગ્ય અમારા હાથમાં છે
મિલન કાજે તરફડીએ ભલે અમે, ના મિલન અમારા હાથમાં છે
પ્રેમરૂપી ફૂટયા અંકુરો દિલમાં, ના દિલ અમારા હાથમાં છે
કરીએ ઇચ્છાથી જગમાં બધું, ના ઇચ્છા અમારી હાથમાં છે
કરતા ને કરતા રહીએ કર્મો જીવનમાં, ના કર્મો અમારા હાથમાં છે
સુખદુઃખ રહીએ પામતા જીવનમાં, ના બંને અમારા હાથમાં છે
ગણીએ પ્રભુને અમારા ને અમારા, ના પ્રભુ અમારા હાથમાં છે
સદ્દગુરુ શ્રી દેવેન્દ્ર ઘીયા (કાકા)