Hymn No. 240 | Date: 19-Oct-1985
|
|
|
Text Size |
 |
 |
દેવો ઋષિમુનિઓ તારી સ્તુતિ કરતા થાકી જાય
એવી મારી `મા', તું તો આવી મારા હૈયામાં સમાય
વેદ પુરાણ તારા ગુણલા ગાતાં થાકી જાય
એવી મારી `મા', તું તો આવી મારા હૈયામાં સમાય
છે જગજનની તું, ઘટ ઘટમાં વાસ તારો તોયે ના દેખાય
એવી મારી `મા', તું તો આવી મારા હૈયામાં સમાય
લીલા કરતી એવી તું તો, ભલભલાની મતિ થંભી જાય
એવી મારી `મા', તું તો આવી મારા હૈયામાં સમાય
કરતી કામ તું એવાં, ન દેખાવા છતાં હાજરી સમજાય
એવી મારી `મા', તું તો આવી મારા હૈયામાં સમાય
માનવીની મતિ મૂંઝાયે, ત્યારે કરતી સદાયે સહાય
એવી મારી `મા', તું તો આવી મારા હૈયામાં સમાય
શોધવા તને, શોધે ખૂણેખૂણામાં, તોયે દર્શન ન થાય
એવી મારી `મા', તું તો આવી મારા હૈયામાં સમાય
ગુણલા ગાવા બેસું તારા, ત્યાં વાણી થંભી જાય
એવી મારી `મા', તું તો આવી મારા હૈયામાં સમાય
પ્રયત્ન કરો ખૂબ, દર્શન પામે તે તો જો કૃપા તારી થાય
એવી મારી `મા', તું તો આવી મારા હૈયામાં સમાય
વિરમું ક્યાં, સમજણ ના પડે, તારો અંત ના દેખાય
એવી મારી `મા', તું તો આવી મારા હૈયામાં સમાય
સદ્દગુરુ દેવેન્દ્ર ઘીયા (કાકા)
|
|