જુવો જગમાં તો જરા, વગર પાંખે જીવનમાં, મુસીબતો તો આવતી રહી
વરસતી હતી જીવનમાં જ્યાં સુખની ચાંદની, તાપ દુઃખનો એ વરસાવી ગઈ
વરવા નીકળી મરદને જગમાં, માટીપગા માનવીની વસ્તી મળતી ગઈ
પ્રેમ ચાહતા ને ઝંખતા હૈયામાં જગમાં, આગ ઊભી એ તો કરી ગઈ
ઇચ્છાઓના નૃત્યને તો જીવનમાં, મુસીબતો મૂંઝવતી ને મૂંઝવતી રહી
જીવનમાં કોણ છે સાચા, કોણ છે ખોટા, સ્પષ્ટ એ તો એ બતાવી ગઈ
લાગી જીવનમાં ભલે એ તો આફત, કંઈક તો આશીર્વાદરૂપ તો બની ગઈ
સ્થિર જીવનને તો જગમાં, અસ્થિર ને અસ્થિર એ તો બનાવતી ગઈ
કંઈકના જીવનમાં તો આવી એને તોડી ગઈ, કંઈકને તો મજબૂત બનાવી ગઈ
આવી આવી જીવનમાં, જીવનને એમાં, કંઈ ને કંઈ શિખામણ તો દેતી ગઈ
સદ્દગુરુ શ્રી દેવેન્દ્ર ઘીયા (કાકા)