Hymn No. 422 | Date: 01-Apr-1986
|
|
|
Text Size |
 |
 |
પૂર્વ જનમના કર્મો તારા, આવશે સદા તારા તારી સાથમાં
Purva Janam Na Karmo Tara, Aavshe Sada Tara Tari Saath Ma
સેવા, કર્મ, પુરુષાર્થ, જાગ્રતી, ભાગ્ચ (Service, Action, Strive, Alert, Destiny)
પૂર્વ જનમના કર્મો તારા, આવશે સદા તારા તારી સાથમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
ભૂલો કરતો રહ્યો સદાયે, રડતો રહ્યો, તું વાતવાતમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
મોહમાં સદા તું ડૂબતો રહ્યો, ભટકતો રહ્યો તું સંસારમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સદ્વિચારો તો કરતો રહ્યો, પણ છોડતો રહ્યો તું વાતવાતમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સમયની મૂડી તું થોડી લાવ્યો, વેડફી રહ્યો તું સદા આળસમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સંયમની દોરી તે રાખી ઢીલી, ઠોકરો ખાતો રહ્યો સદા તું જગમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સફળતામાં સદા ફુલાઈ રહ્યો, માનતો રહ્યો તુજ સમ નથી કોઈ જગમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
નિષ્ફળતા મળતાં અકળાઈ રહ્યો, બહાના કાઢયાં તે અન્યના,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સીધા પાસા સદા નથી પડયા કોઈના, સદા આ જગમાં,
દોષ ના કાઢ તું અન્યનો, ભાવિ રહ્યું છે તારું તારા હાથમાં
સદ્દગુરુ દેવેન્દ્ર ઘીયા (કાકા)
|
|