Hymn No. 469 | Date: 20-Jun-1986
|
|
|
Text Size |
 |
 |
સ્વાર્થથી ટકી રહે સગાઈ, સ્વાર્થ ટકરાતા સૌ ભૂલે ભલાઈ
આ દુનિયામાં સ્વાર્થ વિના, કોઈને કોઈની પડી નથી
મધથી મીઠા સ્મિતથી સત્કારી, હૈયે રાખે વિષ ભરી ભારી
આ દુનિયામાં સ્વાર્થ વિના, કોઈને કોઈની પડી નથી
શ્વાસે શ્વાસે સ્વાર્થ રહે વણાઈ, શ્વાસે શ્વાસે સ્વાર્થ ટકરાય
આ દુનિયામાં સ્વાર્થ વિના, કોઈને કોઈની પડી નથી
સાચા જૂઠાં સહુ કરતા, સહુ સ્વાર્થથી પ્રેરાઈ
આ દુનિયામાં સ્વાર્થ વિના, કોઈને કોઈની પડી નથી
સ્વાર્થથી અપમાન થાતા, સ્વાર્થથી કામ પણ થાય
આ દુનિયામાં સ્વાર્થ વિના, કોઈને કોઈની પડી નથી
સ્વાર્થથી સંબંધ બગડતા, ને સ્વાર્થથી રહે સચવાઈ
આ દુનિયામાં સ્વાર્થ વિના, કોઈને કોઈની પડી નથી
સ્વાર્થભરી આ દુનિયામાં નિઃસ્વાર્થી પર આવે તવાઈ
આ દુનિયામાં સ્વાર્થ વિના, કોઈને કોઈની પડી નથી
સેવા અને દાન કંઈક કરતા, રહી સૌ સ્વાર્થથી પ્રેરાઈ
આ દુનિયામાં સ્વાર્થ વિના, કોઈને કોઈની પડી નથી
મા ની પાસે સ્વાર્થથી જાતાં, સ્વાર્થ ના સધાતાં પડે જુદાઈ
આ દુનિયામાં સ્વાર્થ વિના, કોઈને કોઈની પડી નથી
સદ્દગુરુ દેવેન્દ્ર ઘીયા (કાકા)
|
|