Hymn No. 491 | Date: 31-Jul-1986
|
|
|
Text Size |
 |
 |
પાપો કરતા માડી, પાછું વળી, કદી જોયું ના માડી
શિક્ષા કરવી, ના કરવી, એ બધું હવે તો, તારે હાથ છે
ખોટા વિચારો માડી, કર્યા મનમાં સદાયે મેં તો માડી
દૂર કરવા, ના કરવાં માડી, એ બધું હવે તો તારે હાથ છે
મનનાં મેલો સાફ કરતા, નવાની દરકાર ના કરી માડી
સાફ કરવું, કે ના કરવું માડી, એ બધું હવે તો તારે હાથ છે
આળસમાં ડૂબીને માડી સમયની કિંમત મેં તો ના જાણી
એ દૂર કરવું, ના કરવું માડી એ બધું હવે તો તારે હાથ છે
લોભમાં લલચાઈ માડી કંઈક અનર્થ કર્યા મેં તો માડી
બચાવવો, ના બચાવવો માડી એ બધું હવે તો તારે હાથ છે
ક્રોધમાં સળગી રહ્યો છું માડી, કંઈક જીવન સળગાવ્યા માડી
હવે શાંત કરવો, ના કરવો માડી, એ બધું હવે તો તારે હાથ છે
હવે દર્શનની આશ હૈયે છે માડી, અંતર રહ્યું છે તોયે માડી
દર્શન દેવા, ના દેવા માડી, એ બધું હવે તો તારે હાથ છે
સદ્દગુરુ દેવેન્દ્ર ઘીયા (કાકા)
|
|