Hymn No. 4965 | Date: 03-Oct-1993

હે માત રે, મારે કોની પાસે જાઉં, ક્યાં જઈ હૈયું મારું ખાલી કરવું

 

મા, ભગવાન (Almighty Mother, God)

1993-10-03 1993-10-03 1993-10-03 https://www.kakabhajans.org/bhajan/default.aspx?id=465 હે માત રે, મારે કોની પાસે જાઉં, ક્યાં જઈ હૈયું મારું ખાલી કરવું હે માત રે, મારે કોની પાસે જાઉં, ક્યાં જઈ હૈયું મારું ખાલી કરવું,

મને કોણ દેશે સાંત્વના (2)

હે માત રે - રહે ચિંતાના ભારથી હૈયું મારું દબાતું, રહે એમાં એ તો મૂંઝાતું - મને

હે માત રે - શાંતિ કાજે રહે હૈયું તલસતું, જ્યાં ત્યાં ફાંફાં રહે એ તો મારતું - મને

હે માત રે - દુઃખભર્યા હૈયેથી, તને હૈયું તો પોકારતું, તારી આશ એ રાખતું - મને

હે માત રે - તારી કરુણા વિના રહે એ તો સુકાતું, સદા તારી દયા રહે એ ઝંખતું - મને

હે માત રે - સમજ, બીનસમજમાં રહે કંઈ કંઈ એ કરતું, રહે પાપમાં એ ડૂબતું - મને

હે માત રે - છે અંધકાર ભર્યો ખૂબ હૈયે, શું કરવું, ના કરવું, નથી એ સૂઝતું - મને

હે માત રે - મારગે મારગે અંધારું દેખાતું, તારો પ્રકાશ એ તો શોધતું - મને

હે માત રે - વિકારો મારગ એના તો રોકતું, તારી પાસે નથી પહોંચવા દેતું - મને

હે માત રે - તારો વિયોગ સહન નથી કરી શક્તું, તારા ચરણમાં ચાહે આળોટવું - મને

હે માત રે - છે માયાનું શરણ તો ખોટું, જગમાં તારું શરણ તો છે સાચું - મને Satguru Shri Devendra Ghia (Kaka)