Hymn No. 5487 | Date: 18-Sep-1994

સુખ તો કાંઈ જોઈ શકાતું નથી, અનુભવ્યા વિના એ સમજાતું નથી

 

જ્ઞાન, સત્ય, આભાર (Knowledge, Truth, Thanks)

1994-09-18 1994-09-18 1994-09-18 https://www.kakabhajans.org/bhajan/default.aspx?id=986 સુખ તો કાંઈ જોઈ શકાતું નથી, અનુભવ્યા વિના એ સમજાતું નથી સુખ તો કાંઈ જોઈ શકાતું નથી, અનુભવ્યા વિના એ સમજાતું નથી

દુઃખમાં ડૂબેલાને બતાવો સુખનો કિનારો, કિનારો એને એ દેખાતો નથી

હોય હાથમાં જો કાંઈ, છોડયા વિના એને, બીજું કાંઈ પકડી શકાતું નથી

હાસ્યની કિંમત તો, જીવનમાં મોકળા મન વિના સમજી શકાતી નથી

ટપકી આંખથી દુઃખની આંસુની ધારા, ખાલી કર્યાં વિના હાસ્ય સ્પર્શી શકાતું નથી

મળ્યો અનુભવ સુખનો જ્યાં એક વાર, દુઃખ જીવનમાં ત્યાં જીરવી શકતું નથી

અન્યના સુખદુઃખની ધારા, સ્પર્શી જ્યાં હૈયે, હૈયાને તાણ્યા વિના રહેતી નથી

જીવનની આ અદૃશ્ય ધારા, એ ધારા જીવન પર કાબૂ ધરાવ્યા વિના રહેતી નથી

મળ્યું જેમાં જેને સુખ, એ સુખની ધારા પાછળ, એ દોડયા વિના રહેતા નથી

સુખદુઃખ તો છે જીવનની બદલાતી ધારા, સુખી કાયમ કોઈ જગમાં દેખાતું નથી Satguru Shri Devendra Ghia (Kaka)