મહેનત ને મહેનત રહી છે માગી, જીવનમાં તકદીર તો જેની
કહી રહી છે એ તો ત્યારે, જીવનમાં ચૂકશો ના પૂરુષાર્થની કેડી
ચૂકશો જીવનમાં જો એ કેડી, દેશે એ ઊંડી ખીણમાં તો ફેંકી
વધારી વધારી ઇચ્છાઓ હૈયામાં, દેવી પડે છે તકદીર પર શાને છોડી
તરછોડાયેલી આવી ઇચ્છાઓ, થાશે ના જીવનમાં એ તો પૂરી
પૂરુષાર્થના બળ વિનાની, રહેશે જીવનમાં ઇચ્છા બધી અધૂરી
ઇચ્છાઓ ને આળસને બન્યું જો ઝાઝું, સ્વપ્ન દેશે એ તો રચાવી
શ્રદ્ધા ને તકદીર વિનાની, જાશે જગમાં મહેનત તો નકામી
શ્રદ્ધા સાથેની મહેનત, દેશે જીવનમાં તો કંઈકની તકદીર બદલી
મહેનતને શ્રદ્ધા બનાવી દેશે, તકદીરને જીવનમાં ઊજળી
સદ્દગુરુ શ્રી દેવેન્દ્ર ઘીયા (કાકા)