Hymn No. 558 | Date: 11-Oct-1986
|
|
|
Text Size |
 |
 |
ઉપરવાળો ચિંતા કરે સહુની, તોયે હૈયે ચિંતા જાગી જાય
કહેવું આ કોને, બતાવશો મુજને, આનો સાચો ઉપાય
જાણે સહુ આ કોઈ, તોયે સદા બની જાતાં નિરૂપાય
કહેવું આ કોને, બતાવશો મુજને, આનો સાચો ઉપાય
ચિંતાની લંગાર છૂટે નહિ, એક પછી એક આવતી જાય
કહેવું આ કોને બતાવશો મુજને, આનો સાચો ઉપાય
શમે ન શમે હૈયામાં જરી, ત્યાં પાછી ડોકિયાં કરી જાય
કહેવું આ કોને, બતાવશો મુજને, આનો સાચો ઉપાય
કોશિશ કીધી છોડવા એને, મચક ન દેતી એ તો જરાય
કહેવું આ કોને, બતાવશો મુજને, આનો સાચો ઉપાય
ચિંતા તો ના છૂટી, પણ હૈયું ધીરે ધીરે કોરી ખાય
કહેવું આ કોને, બતાવશો મુજને, આનો સાચો ઉપાય
કામકાજ હું તો ભૂલ્યો, ચિંતાની ચિંતા તો વધતી જાય
કહેવું આ કોને, બતાવશો મુજને, આનો સાચો ઉપાય
ખાવુંપીવું પણ ભાવે નહીં, શરીર તો સુકાતું જાય
કહેવું આ કોને, બતાવશો મુજને, આનો સાચો ઉપાય
થાકી થાકી હું તો લેતો ગયો, હૈયામાં `મા' નું નામ સદાય
કહેવું આ કોને, બતાવશો મુજને, આનો સાચો ઉપાય
નામ તો લેતા, વિશ્વાસ વધતા, ચિંતા ભાગી ક્યાં ને ક્યાંય
કહેવું આ કોને, બતાવશો મુજને, આનો સાચો ઉપાય
સદ્દગુરુ દેવેન્દ્ર ઘીયા (કાકા)
|
|