Hymn No. 723 | Date: 03-Mar-1987
|
|
|
Text Size |
 |
 |
અસુર નિકંદની હે જગમાંતા, હે સિધ્ધમાતા છે તું અલબેલી
દુઃખિયા પુકારે તને તો જ્યારે, ચડતી વ્હારે સદા તું વ્હેલી
તેજ તણો પુંજ છે તું તો માતા, ધરતી ભક્તિદિન હૈયે તું પહેલી
કર્મોની છે તું તો અધિષ્ઠાતા, જગ ભાગ્યની તો છે તું વિધાતા
હૈયે હૈયે સદા તું તો રમતી, મનડે મનડે સદા તું ફરતી
કારણનું કારણ છે તું તો માતા, બીજનું પણ બીજ છે તું માતા
દયાની રહી છે સદા તું તો દાતા, બાળ કાજે બની સદા તું માતા
ભાવભર્યા હૈયે, તને તો જે ભજતા, દુઃખડા સદા તે એના કાપ્યાં
જ્ઞાન તણી સદા છે તું તો જ્ઞાતા, જડ ચેતન સર્વે તુજમાં સમાયા
ભાવે ભાવે, રૂપ તારા બદલાતા, નામે, નામે, ગુણ તારા ગવાતા
નયનોથી, પ્રેમના બિંદુ સદા છે વહેતાં,બાળ દેખી, હૈયા ભાવથી ભીંજાતા
સદ્દગુરુ દેવેન્દ્ર ઘીયા (કાકા)
|
|