Hymn No. 949 | Date: 20-Aug-1987
|
|
|
Text Size |
 |
 |
કોઈ સૂવે સુખની નીંદર, કોઈ દુઃખના ડૂસકાં ભરે
Koi Suve Sukh Ni Nindar, Koi Dukh Na Duska Bhare
સેવા, કર્મ, પુરુષાર્થ, જાગ્રતી, ભાગ્ચ (Service, Action, Strive, Alert, Destiny)
કોઈ સૂવે સુખની નીંદર, કોઈ દુઃખના ડૂસકાં ભરે
જેવું જેનું ભાગ્ય જગતમાં, એવું એ તો લણે
કોઈ તંદુરસ્તીએ મ્હાલે, કોઈ રોગના શ્વાસો ભરે - જેવું જેનું...
કોઈ ભૂખે દિન વિતાવે, કોઈ દિનમાં સો વાર જમે - જેવું જેનું...
કોઈ અપમાને જિંદગી કાઢે, કોઈના બોલે જગત મરે - જેવું જેનું...
કોઈની જીભે તો ઝેર વસે, કોઈની જીભે મધ તો ઝરે - જેવું જેનું...
કોઈ આરામે જિંદગી વિતાવે, કોઈ મજૂરીએ તનડું તોડે - જેવું જેનું...
કોઈ ભણીને જ્ઞાન વધારે, કોઈ તો અજ્ઞાનમાં ડૂબે - જેવું જેનું...
કોઈ તો સુંદરતામાં ન્હાયે, કોઈ તો દીઠાં ના ગમે - જેવું જેનું...
કોઈને જોતાં વ્હાલ ઊપજે, કોઈને જોઈ ઘૃણા જન્મે - જેવું જેનું...
કોઈ તો પાપમાં ડૂબ્યો રહે, કોઈ તો પુણ્ય ભેગું કરે - જેવું જેનું...
કોઈ એકલવાયું જીવન જીવે, કોઈની પાસે ટોળું વળે - જેવું જેનું...
સદ્દગુરુ દેવેન્દ્ર ઘીયા (કાકા)
|
|