Hymn No. 1013 | Date: 30-Sep-1987
|
|
|
Text Size |
 |
 |
વિરહની વેદના તો કંઈકને રાતભર જગાવે,
ચિંતાઓ તો સદા કંઈકને રાતભર સતાવે,
જલતી ઇર્ષ્યાની આગ તો ઊંઘ બહુ હટાવે,
સુખની નીંદર તો કોઈ વિરલાને જ આવે,
શબ્દના બાણ તો રાતભર બહુ સતાવે,
નિરાશાની આગ રાતની ઊંઘ હરામ કરાવે,
શરીરવેદના તો કંઈકને રાતભર જગાવે,
સુખની નીંદર તો કોઈ વિરલાને જ આવે,
વિચારોના વમળો તો રાતભર જગાવે,
અપમાનોની યાદ તો રાતભર સતાવે,
અસંતોષની જલતી આગ નીંદ રાતની હટાવે,
સુખની નીંદર તો કોઈ વિરલાને જ આવે,
જાગી જ્યાં ભૂખ પેટમાં, નીંદ એ તો હટાવે,
કામ જાગી ગયો દિલમાં, નીંદ એ તો ભુલાવે,
ભભૂક્તી હૈયે તો વેર જ્વાળા, નીંદને પણ એ જલાવે,
સુખની નીંદર તો કોઈ વિરલાને જ આવે,
સંતોષ હૈયે વસી સ્થાન જો ના જમાવે,
બેકરાર દિલને તો ત્યાં કરાર ના આવે
કૃપા `મા' ની ઉતરતા સહુ કાંઈ સીધું થાયે,
સુખની નીંદર તો કોઈ વિરલાને જ આવે
સદ્દગુરુ દેવેન્દ્ર ઘીયા (કાકા)
|
|