Hymn No. 1488 | Date: 15-Sep-1988
|
|
|
Text Size |
 |
 |
હે જીવ, તું ભાનમાં નથી, તું હોંશમાં નથી
સંભાળ તારા પગલાં, પડવામાં કોઈ વાર નથી
માયાના ઘૂંટ ખૂબ પીધા, મંઝિલ તને યાદ નથી - સંભાળ...
જનમી જગમાં આવ્યા, પ્રભુના દ્વાર ગોતવા
ઘૂંટ માયાના ખૂબ પીધા, સમય રહ્યા એમ વીત્યા
વિદાયની વેળા આવી, મંઝિલની તો દરકાર નથી - તું ભાનમાં...
કેફ તો રહ્યા ચડતા, દ્વાર પ્રભુના ના મળતા
દ્વાર દુઃખના રહ્યા ખૂલતા, ના કેફ તોયે ઉતર્યા - તું ભાનમાં...
જીવનના મૂલ્ય ઝાઝા, પણ હોંશના છે ફાંફાં
મંઝિલના નથી ઠેકાણા, તેનું તો ભાન નથી - તું ભાનમાં...
પડતા રહ્યા પગલા, રસ્તા એને સમજી લીધા
પણ મંઝિલે ના પહોંચ્યા, તેનું તોયે ભાન નથી - તું ભાનમાં...
રસ્તે રસ્તે તો રહ્યા, મૂલ્યો જીવનના લૂંટાતા
પ્રભુ કૃપા વિના હવે તો, તારો કોઈ ઉદ્ધાર નથી - તું ભાનમાં...
સદ્દગુરુ દેવેન્દ્ર ઘીયા (કાકા)
|
|