1988-10-31 1988-10-31 1988-10-31 https://www.kakabhajans.org/bhajan/default.aspx?id=13046 જીવન વીતતું જાયે, રે ભાઈ જીવન વીતતું જાયે જીવન વીતતું જાયે, રે ભાઈ જીવન વીતતું જાયે
દિન ઊગે ને દિન આથમે, દિન એમ વીતતો જાયે
વધ્યા આગળ કે વધ્યા પાછળ, એ તો ના સમજાયે - રે ભાઈ...
ના કોઈ મંઝિલના ઠેકાણા, ના મંઝિલ તો દેખાય - રે ભાઈ..
પગ તો રહે પડતા, ન જાણે ક્યાં એ ઘસડી જાય - રે ભાઈ...
અજાણ્યા બને પોતાના, પોતાના તો પારકા થઈ જાય - રે ભાઈ...
ક્રમ રહ્યો જગમાં આ ચાલુ, ક્રમ તો એ ના બદલાય - રે ભાઈ...
કદી વીતે પળ આનંદમાં, કદી તો દુઃખે ઊભરાય - રે ભાઈ...
જીવનની છે આ બલિહારી, જીવન એમ વીતતું જાય - રે ભાઈ...
રોજ તો ભજવા પ્રભુને નિર્ણય તો થાતા જાય - રે ભાઈ...
વાત ઠેલાતી જાયે કાલ પર, એમ જીવન પૂરું થઈ જાય - રે ભાઈ... Satguru Shri Devendra Ghia (Kaka)