Hymn No. 1610 | Date: 21-Dec-1988

સમય સમય પર તો બધું થાતું જાય (2)

 

સમય, પશ્ચાતાપ, શંકા (Time, Regret, Doubt)

1988-12-21 1988-12-21 1988-12-21 https://www.kakabhajans.org/bhajan/default.aspx?id=13099 સમય સમય પર તો બધું થાતું જાય (2) સમય સમય પર તો બધું થાતું જાય (2)

સવારે તો સૂરજ ઊગે, સાંજે તો આથમી જાય - સમય...

વર્ષામાં નીર ઊભરાયે, ઉનાળે તો સુકાય - સમય...

પૂનમે ચંદ્રતેજ રેલાય, અમાસે ધરતી અંધારે નહાય - સમય...

હરેક મૃગમાં કસ્તુરી ના મળે, કસ્તુરી મૃગનાભિમાં થાય - સમય...

નભમાં તારા અનેક મળે, ધ્રુવ તારો દિશા બતાવી જાય - સમય...

જનમતા નિર્દોષ બાળક, સંજોગે પુણ્યશાળી કે પાપી થાય - સમય...

મુલાકાત કે વિયોગ જગમાં, અણચિંતવ્યા થઈ જાય - સમય...

બીજમાંથી તો વૃક્ષ, સમય પર ફળ દેતું જાય - સમય...

પાપ ને પુણ્યના ફળ તો જગમાં, સમય પર મળતાં જાય - સમય...

ઉનાળે તો ધરતી તપે, વર્ષાએ ધરતી નીરમાં નહાય - સમય... Satguru Shri Devendra Ghia (Kaka)